एजेन्सी । बिग बास लिग (बीबीएल) अन्तर्गत आज (बिहिबार) पहिलो सेमिफाइनलको खेल हुदैछ ।
नेपाली राष्ट्रिय टिमका लेग स्पिनर सन्दीप लामिछाने सम्मिलित मेलबर्न स्टार्सले फाईनल प्रवेशका लागि होबर्ट हुरिकेन्सविरुद्व प्रतिस्पर्धा गर्न लागेको हो ।
खेल नेपाली समय अनुसार दिउँसो सावाँ दुई बजे हुनेछ ।
लिग चरणको अन्तिम खेलमा सन्दीपले महत्वपुर्ण तीन विकेट लिएपछि मेलबर्न सेमिफाइनल प्रवेश गरेको थियो ।
हेड टु हेडका आधारमा दुवै टोली १० पटक भिडेका छन् । जसमा ६ पटक मेलबर्न र ४ पटक हुरिकेन्स विजयी भएको छ । यस सिजनमा लिग चरणमा दुवै खेलमा हुरिकेन्स बिजयी बनेको थियो ।
मेलबर्न १४ खेलमा ७ मा जित र समान ७ खेलमा हार ब्यहोर्दै १४ अंक जोडेको थियो । हुरिकेन्स १० खेलमा जित हात निकाल्दै २० अंक सहित शीर्ष स्थानमा रहदै सेमिफाइनल पुगेको हो ।
सन्दीपकाे नाम समावेश गर्दै क्लबले सेमिफाइनल खेल्ने प्लेइङ सेट सार्वजनिक गरेकाे थियाे ।
