एजेन्सी । च्याम्पियन्स लिग फुटबलमा प्रि क्वार्टरफाईनलको पहिलो लेगको खेलमा स्पेनिस क्लब रियल मड्रिड विजयी भएको छ । बुधबार राति भएको खेलमा रियल मड्रिडले डच क्लब अजाक्सलाई २–१ गोल अन्तरले हराएको छ ।
अजाक्सको घरेलु मैदानमा प्राप्त जितसंगै रियल मड्रिडले पहिलो लेगको खेलमा अग्रता लिन सफल भएको छ ।
खेलमा अग्रता रियलले करिम बेन्जिमाको गोलमार्फत लिएको थियो । ६० औ मिनेटमा उनले गोल गर्दै टोलीलाई अग्रता दिलाए । घरेलु टाली अजाक्सका लागि ७५ औ मिनेटमा हाकिम जियसले बराबरी गोल फर्काएको थिए ।
खेल सकिन ३ मिनेट बाँकी छदाँ मार्कोस एसेन्सियोले गोल गर्दै रियललाई पहिलो लेगमा जित दिलाउन सफल भए ।
दोस्रो लेगको खेल रियलको घरेलु मैदानमा हुनेछ ।
