काठमाडाैँ । एएफसी यु–१९ महिला च्याम्पियनसिप क्वालिफायरको दोस्रो चरणकाे खेल तालिका सार्वजनिक भएको छ ।
एसियन फुटबल फेडेरेसनले आज (बुधबार) दोस्रो राउण्डको तालिका सार्वजनिक गरेका हो । प्रतियोगिता अप्रिल २६ देखि ३० सम्म म्यानमारमा आयोजना हुनेछ ।
तालिका अनुसार नेपाल समूह 'ए' मा रहेको छ । नेपाल सम्मिलित समूहमा अस्ट्रेलिया, उज्वेकिस्तान र आयोजक म्यानमार रहेका छन् ।
यस्तै, समूह 'बी' मा दक्षिण कोरिया, भियतनाम, इरान र लेवनान छन् ।
यसअघि पहिलो चरणको खेलमा उत्कृष्ट प्रर्दशन गर्दै नेपाली टिम दोस्रो चरण स्थान बनाएको थियो ।
कात्तिक दोस्रो साता थाइल्याण्डको चोनबरी रंगशालामा भएको छनोटमा नेपालले भारत र पाकिस्तानलाई पराजित गरेको थियो भने आयोजक थाइल्याण्डसँग पराजित भएको थियो ।
पहिलो खेलमा थाइल्याण्डसँग ३–० ले पराजित भएको नेपालले दोस्रो खेलमा भारतलाई २–० ले पराजित गरेका थियो । यस्तै नेपालले पाकिस्तानलाई ९–० को भारी अन्तरले पराजित गरेको थियो ।
प्रतियोगितालाई केन्द्रित गर्दै नेपाली टिमले तयारी सुरु गरिसकेको छ ।
