धनगढी । तेस्रो संस्करणको धनगढी प्रिमियर लिग क्रिकेट (डीपीएल) अहिले काठमाडौं गोल्डेन्स र महेन्द्रनगर युनाइटेडबीच प्रतिस्पर्धा हुँदैछ ।
फाप्ला क्रिकेट मैदानमा काठमाडौंविरुद्ध महेन्द्रनगरले टस जितेको छ । टस जितेको महेन्द्रनगरले पहिले फिल्डीङ रोज्दै काठमाडौंलाई ब्याटिङमा पठाएको छ ।
महेन्द्रनगरविरुद्ध मैदान उत्रदा ज्ञानेन्द्र मल्लको कप्तानीमा रहेको काठमाडौं लगातार दोस्रो जित निकाल्ने लक्ष्यमा हुनेछ । काठमाडौंले पहिलो खेलमा धनगढीलाई ४ विकेटले हराएको थियो ।
काठमाडौं २ अंक जोडेर तेस्रो स्थानमा छ । जित निकाले काठमाडौं शीर्ष दुईमा पुग्नेछ ।
यता, शरद भेषावकरको टिम महेन्द्रनगर पहिलो जितको खोजीमा रहेको छ । पहिलो खेलमा रुपन्देही च्यालेन्जर्ससंग २ रनले पराजित महेन्द्रनगर चौंथो स्थानमा छ ।
काठमाडौंको प्लेईङ सेट :
ज्ञानेन्द्र मल्ल,बिक्रम भुसाल,अनिल कुमार साह,नन्दन यादव,राशिद खान,सोनु तामाङ,योगेन्द्र सिंह कार्की,गौरब तामोर,अंकित दास,ललित नारायण राजवंसी,महेबुब आलम
महेन्द्रनगर प्लेईङ सेट :
शरद भेषवाकर,आरिफ शेख,रोहित कुमार पौडेल, सागर ढकाल,दिलिप नाथ,कुशल मल्ल,अविनाश बोहरा,अमर सिंह रौटेला,सिद्दान्त लोहनी,मोहमद नाभिद,आनन्द सुब्र्मन्यु
