काठमाडौं । शहिद स्मारक 'बी' डिभिजन लिगमा आज (मंगलबार) दुई खेल हुनेछन् । प्रतियोगिताका दुबै खेल सातदोबाटोस्थित एन्फा कम्प्लेक्सको मैदानमा हुनेछ ।
मंगलबार हुने पहिलो खेलमा टुसाल युथ क्लब र बासबारी क्लब प्रतिस्पर्धा गर्दैछन् ।
दिउँसो साँढे १२ बजे हुने खेलमा टुसाल युथ दोस्रो जितको निकाल्न चाहन्छ भने बाँसबारी पहिलो जितको खोजीमा हुनेछ ।
यसअघि भएको खेलमा टुसालले श्री बागमती क्लबलाई झिनो अन्तरले पराजित गरेको थियो । यस्तै बाँसबारी भने पुल्चोक स्पोर्टस् क्लब सँग ३–१ ले पराजित भएको थियो ।
यता, आजै हुने दोस्रो खेलमा झम्सिखेल युथ र नयाँ बस्ती युथ क्लबबीच प्रतिस्पर्धा हुनेछ । दिउँसो साँढे ३ बजे हुने खेलमा नयाँ बस्ती पहिलो जितको खोजीमा हुनेछ ।
लिगको पहिलो खेलमा नयाँ बस्ती आरसिटीसँग ३–१ गोल अन्तरले पराजित भएको थियो । झम्सिखेल भने लगातार दोस्रो जितको खोजिमा रहेको छ । लिगको उद्घाटन खेलमा उसले ब्वार्इज युनियन लाई १–० ले पराजित गरेको थियो ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
