धनगढी । रुपन्देही च्यालेन्जर्सका पुनित मेहेरा र महेन्द्रनगर युनाइटेडका कुशल मल्ललाई धनगढी प्रिमियर लिग (डीपीएल) क्रिकेटले कारबाही गरेको छ ।
सोमबार भएको खेलमा पुनित र कुशलले आईसीसीको नियम उलंघन गरेको कारण डीपीएलले कारबाही गरेको जनाएको छ । दुवै खेलाडीले आईसीसीको खेल पोशाक र खेल सामग्रीबारेको नियम उलंघन गरेको जनाएको छ ।
डीपीएलले म्याच रेफ्री मोहमद साफीकले उपलब्ध गराएको रिपोर्टको आधारमा कारबाही गरेको हो ।
सोमबार भएको खेलमा पुनितको टिम रुपन्देहीले कुशल रहेको महेन्द्रनगर युनाइटेडलाई २ रनले हराएको थियो ।
