काठमाडौं । संकटा क्लब धरानमा जारी बुढ़ासुब्बा गोल्डकपको सेमिफाईनलमा प्रवेश गरेको छ । झापाको मेची नेत्रलायलाई सडनडेथमा हराउँदै संकटा अन्तिम ४ मा पुगेको छ ।
हिजो (आईतबार) भएको उद्घाटन खेल २–२ गोलको बराबरीमा सकिएपछि टाईब्रेकरमा धकेलिएको थियो । तर टाईब्रेकर र सडनडेथको खेल समेत बराबरीमा सकिएपछि खेलको निर्णय आज (सोमबार) भएको हो ।
बिहान भएको टाईब्रेकर समेत बराबरीमा सकिएपछि निर्णय सडनडेथमा गरिएको थियो ।
मेची नेत्रालयलाई निराश बनाएका संकटाका गोलरक्षक राजा बाबु थापा म्यान अफ द म्याच घोषित भए । उने नगद पन्ध्र हजारका हात पारे ।
संकटाले सेमिफाईनलमा आयोजक धरान फुटबल क्लब र भारतको कोलकत्ता टिमको विजेतासंग खेल्नेछ ।
