एजेन्सी । इटालियन सिरी ए फुटबलमा शीर्ष स्थानको युभेन्ट्सले सहज जित निकालेको छ । आइतबार राति भएको खेलमा युभेन्ट्सले सासोउलोलाई ३-० गोल अन्तरले पराजित गरेको हो ।
सासोउलोको मैदानमा युभेन्ट्सलाई जित दिलाउन सामी खेडिरा, क्रिस्टियानो रोनाल्डो र एम्री क्यानले एक एक गोल गरे ।
खेलको २३ औं मिनेटमा खेडिराले गोल गर्दै युभेन्ट्सलाई सुरुवाती अग्रता दिलाएका थिए । खेलको ७० औं मिनेटमा रोनाल्डोले गोल गर्दै युभेन्ट्सको अग्रता २-० को बनाए ।
त्यसपछि खेलको ८६ औं मिनेटमा क्यानले गोल गर्दै युभेन्ट्सलाई ३-० को जित दिलाए ।
जितसंगै युभेन्ट्सले लिगमा ११ अंकको अग्रता बनाएको छ । युभेन्ट्सले २३ खेलबाट ६३ अंक जोडेको छ ।
दोस्रो स्थानको नापोलीको ५२ अंक छ । पराजित सासोउलो ३० अंक जोडेर ११ औं स्थानमा छ ।
