काठमाडौं । शहिद स्मारक 'बी' डिभिजन लिगमा पुल्चोक स्पोर्टस क्लबले विजयी सुरुवात गरेको छ । आईतबार दिउँसो एन्फा मैदान सातदोबाटोमा भएको खेलमा पुल्चोक स्पोर्टस् क्लबले बासबारी क्लबलाई ३–१ गोल अन्तरले पराजित गर्यो ।
दिनको दोस्रो खेलमा पुल्चोकलाई जित दिलाउन टिकाराज गुरुङ, राम काजी कुमाल र सुशिल गुरुङले गोल गरे । बाँसबारीको लागि एक मात्रै सान्त्वना गोल नबिन थापाले गरे ।
खेलमा पुरै समय हावी देखिएको पुल्चोकको लागि खेलको १७ मिनेटमा टिका राज गुरुङले खाता खोले । पुल्चोकले बाँकी दुई गोल दोस्रो हाफमा गर्यो । उसका लागि खेलको ५२ मिनेटमा राम काजी कुमालले गरे । यस्तै खेलको अतिरिक्त समयमा सुशिल गुरुङले तेस्रो गोल थपे ।
पराजित बासबारीको लागि खेलको ४७ मिनेटमा नविन थापाले गोल गरे ।
यस्तै आजै भएको पहिलो खेलमा रानिपोखरी कर्नर टिमले नयाँ बस्ती युथलाई ३–१ गोलले पराजित गरेको थियो ।
