पोखरा । क्यामरुनी क्लब दाउफिन्स फेमिलिले मनकामना केवलकार पोखरा कपको उपाधि उचालेको छ । आइतबार पोखरा रंगशालामा भएको खेलमा विभागीय टिम एपीएफलाई १–० गोल अन्तरले पराजित गर्दै दाउफिन्सले उपाधि उचालेको हो ।
उपाधिसंगै दाउफिन्सले ७ लाख ५० हजार प्राप्त गर्यो । उपविजेता एपीएफले ४ लाख प्राप्त गर्याे ।
दाउफिन्सको जितमा एक मात्रै निर्णायक गोल यात्रिक ओवनाले गोल गरे । उनले खेलको ५३ औ मिनेटमा डिबक्सभित्रबाट हानको बल दोस्रो बार हुँदै गोल भएको थियो ।
बाँकी समय गोलको प्रयास गरेपनि एपीएफले हार टार्न सकेन । सिजनको पहिलो उपाधि नजिक पुगेर पनि एपीएफले पराजय ब्यहोर्यो । योसँगै मोफसलको प्रतियोगिता खेल्न आएको क्यामरुनी दाउफिन्सले नेपालमा पहिलो पटक उपाधि चुमेको छ ।
