काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम मेलबर्न स्टार्सले बिग बास लिग अन्तर्गत लिग चरणको अन्तिम खेलमा अहिले सिड्नी सिक्सर्ससंग प्रतिस्पर्धा गरिरहेको छ ।
मेलबर्नमा सिड्नीले टस जितेको छ र पहिले फिल्डिङ रोजेको छ । सिड्नीले फिल्डिङ रोजेपछि मेलबर्नले सुरुवातमा ब्याटिङ गर्ने भएको छ ।
सिड्नीविरुद्धको खेलमा सन्दीप लामिछाने टोलीको प्लेईङ -११ मा परेका छन् । बिग बास लिग खेल्ने पहिलो नेपाली क्रिकेटर बनेका सन्दीपले यसअघिका ५ खेलमा ८ विकेट लिन सफल भएका छन् ।
अंक तालिकाका शीर्ष चार टोली प्लेअफमा पुग्नेछन् । दोश्रो स्थानमा रहेको सिड्नी सिक्सर्ससंगको खेलमा मेलबर्न जित्नैपर्ने दबाबमा हुनेछ । मेलबर्न १३ खेलमा १२ अंक सहित तालिकाको छैठौं स्थानमा छ ।
सिड्नी १३ खेलमा ८ खेल जित्दै १६ अंक सहित प्लेअफमा पुगिसकेको छ । यस्तै होबेर्ट हुरिकेन्स २० अंक र मेलबर्न रेनिगेड्स १६ अंक सहित प्लेअफमा पुगिसकेका छन् ।
