काठमाडौं । शहिद स्मारक 'बी' डिभिजन लिगमा आज दुई खेल हुँदैछन् । प्रतियोगिताको दुबै खेल सातदोबाटोस्थित एन्फा कम्प्लेक्स मैदानमा हुनेछ ।
आज हुने पहिलो खेलमा रानिपोखरी कर्नर टिम आरसिटी र नयाँ बस्ती युथ क्लबबिच प्रतिस्पर्धा हुँदैछ । खेल साँढे १२ बजे सुरु हुनेछ ।
आजै हुने दोस्रो खेलमा पुल्चोक स्पोर्टस् क्लब र बाँसबारी क्लब आमने सामने हुनेछन् । खेल साँढे ३ बजे हुनेछ ।
यसअघि शुक्रबार भएको पहिलो खेलमा बिजयी हुँदै झम्सिखेल युथ र टुसाल युथ क्लबले तालिकामा ३–३ अंंक जोडेका छन् । यस्तै ब्वाइज युनियन र श्री भगवती क्लब विना अंक पुछारमा रहेका छन् ।
रेलिगेशन बिनाको ’बी’ डिभिजन लिगमा १२ टिमले प्रतिस्पर्धा गर्नेछ ।
लिग विजेता टिमले ८ लाख उपविजेताले ५ लाख, तेस्रो हुनेले ३ लाख र चौथो हुने टिमले २ लाख पाउनेछन् ।
एन्फाले दुई समुहका अन्तिममा रहने टिमलाई १–१ ऋण अंक बोक्ने बताइएको छ । साथै अन्तिममा रहने टिमको तयारी खर्चबाट ५० हजार कटाउने कटाउने छ ।
