काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम मेलबर्न स्टार्सले बिग बास लिगमा लिग चरणको अन्तिम खेलमा आज (आइतबार) सिड्नी सिक्सर्ससंग प्रतिस्पर्धा गर्दैछ ।
खेल नेपाली समय अनुसार बिहान साँढे ९ बजे सुरु हुनेछ ।
अंक तालिकाका शिर्ष चार टोली प्लेअफमा पुग्नेछन् । दोश्रो स्थानमा रहेको सिड्नी सिक्सर्ससंगको खेलमा मेलबर्न जित्नैपर्ने दबाबमा हुनेछ । मेलबर्न १३ खेलमा १२ अंक सहित तालिकाको छैठौं स्थानमा छ ।
सिड्नी १३ खेलमा ८ खेल जित्दै १६ अंक सहित प्लेअफमा पुगिसकेको छ । यस्तै होबेर्ट हुरिकेन्स २० अंक र मेलबर्न रेनिगेड्स १६ अंक सहित प्लेअफमा पुगिसकेका छन् ।
बिग बास लिग खेल्ने पहिलो नेपाली क्रिकेटर बनेका सन्दीपले यसअघिका ५ खेलमा ८ विकेट लिन सफल भएका छन् ।
