एजेन्सी । इन्ग्लिश प्रिमियर लिग फुटबलमा म्यानचेस्टर युनाइटेडले सहज जित निकालेको छ । शनिबार भएको खेलमा युनाइटेडले रेलिगेसन क्षेत्रको फुलहमलाई ३-० गोल अन्तरले हराएको हो ।
फुलहमको मैदानमा भएको खेलमा युनाइटेडलाई जित दिलाउन पाउल पोग्बाले दुई गोल गरे । यस्तै एन्थोनी मार्सियलले एक गोल गरे ।
फुलहमविरुद्ध खेलको १४ औं मिनेटमा पोग्बाले गोल गर्दै युनाइटेडलाई अग्रता दिलाएका थिए । २३ औं मिनेटमा मार्सियलले गोल गरेपछि युनाइटेडले पहिलो हाफमा २-० को अग्रता बनायो ।
त्यसपछि खेलको ६५ औं मिनेटमा पोग्बाले पेनाल्टीमा गोल गर्दै युनाइटेडलाई ३-० को जित दिलाए ।
जितसंगै युनाइटेड लिगको चौंथो स्थानमा उक्लिएको छ । युनाइटेडले चेल्सीलाई एक अंकले पछि बनाउदै चौथो स्थानमा उक्लिएको हो ।
युनाइटेडले २६ खेलबाट ५१ अंक जोडेको छ । फुलहम १७ अंक जोडेर पुछारबाट दोस्रो स्थानमा छ ।
