एजेन्सी । स्पेनिस ला लिगा फुटबलमा आज (शनिबार) दुई ठुला क्लब रियल मड्रिड र एट्लेटिको मड्रिडबीच प्रतिस्पर्धा हुँदैछ ।
'मड्रिड डर्बी' को नामले परिचित दुई क्लबबीचको खेल एट्लेटिको मड्रिडको घरेलु मैदानमा हुनेछ ।
ला लिगाको उपाधि होडमा समेत निकै महत्वपुर्ण मानिएको डर्बी भिडन्त नेपाली समय अनुसार राति ९ बजे सुरु हुनेछ । र, दुईबीचको खेल निकै रोमान्चक हुने अनुमान गरिएको छ ।
घरेलु मैदानमा एट्लेटिको जित निकाल्दै लिग लिडर बार्सिलोनासंगको अंक दुरी कम गर्न चाहन्छ । लिगको दोस्रो स्थानको एट्लेटिकोको २२ खेलबाट ४४ अंक छ ।
रियललाई हराउन सके एट्लेटिकोले बार्सिलोनासंगको अंक दुरी ३ मा झार्ने छ । बार्सिलोनाको ५० अंक छ ।
यता, रियल पनि जित निकाल्दै दोस्रो स्थानमा उक्लन चाहन्छ । तेस्रो स्थानको रियलको ४२ अंक छ ।
मड्रिड डर्बी भिडन्त लिग खेल मात्र नभएर उपाधि होडका लागि समेत निकै महत्वपूर्ण रहेको छ ।
