एजेन्सी । इन्ग्लिश प्रिमियर लिग क्लब म्यानचेस्टर युनाइटेडका फरवार्ड मार्कुस राष्फोर्डले 'प्रिमियर लिग प्लेयर अफ दि मन्थ' अवार्ड जितेका छन् ।
प्रिमियर लिगमा जनवरी महिनाको उत्कृष्ट खेलाडी बन्दै राष्फोर्ड प्लेयर अफ दि मन्थ घोषित भएका हुन् । इन्ग्लिश फरवार्ड राष्फोर्डले जनवरीमा ६ खेलमा ३ गोल गरेका थिए ।
यस्तै युनाइटेडका अन्तरिम प्रशिक्षक ओले गुनर सोल्सायरले म्यानेजर अफ दि मन्थ अवार्ड जितेका छन् । खराब लयबाट गुज्रिरहेको युनाइटेडलाई उत्कृष्ट लयमा ल्याउन सोल्सायर नायक बनेका थिए ।
जनवरीमा सोल्सायरको प्रशिक्षकमा युनाइटेडले खेलेको १० खेलमा ९ जित निकालेको थियो ।
योसंगै सोल्सायर पुर्व प्रशिक्षक सर एलेक्स फर्गुसनपछि यस अवार्ड जित्ने पहिलो प्रशिक्षक बनेका छन् । यसअघी सन् २०१२ मा फर्गुसनले अवार्ड जितेका थिए ।
