एजेन्सी । नेपाली राष्ट्रिय क्रिकेट टिमका सन्दिप लामिछाने सम्मिलित मेलवर्न स्टार्स बिगबासको पछिल्लो खेलमा ठुलो हार ब्यहोरेको छ । शुक्रबार भएको खेलमा मेलबर्न क्लब ब्रिसवेन हिटसंग १० विकेटले पराजित भएको हो ।
१ सय ५७ रनको लक्ष्य पछ्याएको ब्रिसवेनले १० ओभरमा बिना विकेटको क्षतिमा लक्ष्य पुरा गर्यो । बेन कटिङले ८१ र म्याक्स ब्रायनले अविजित ७१ रन बनाए ।
नेपालका सन्दिप लामिछाने विकेट विहिन रहे । २ ओभर बलिङ गरेका उनले २८ रन खर्चिए ।
यसअघि टस हारेर ब्याटिङमा आएको मेलबर्नले ८ विकेट गुमाएर १ सय ५६ रन बनाएकाे थियाे । उसका लागि मार्कस स्टोनिसले ५१ बलमा सर्बाधिक ८१ रन बनाएका थिए । यस्तै डायन ब्राभोले २१ रन बनाएका थिए ।
ब्रिस्वेन हिटका लागि जोस लालोरले सर्वाधिक ३ विकेट लिए ।
-1736559847.jpg)
