काठमाडौं । सन्दिप लामिछाने सम्मिलित मेलबर्न स्टार्सले ब्रिस्वेन हिटलाई १ सय ५७ रनको लक्ष्य दिएको छ ।
टस हारेर ब्याटिङमा आएको मेलबर्नले ८ विकेट गुमाएर १ सय ५६ रन पुरा गर्यो ।
उसको लागि स्कोर मार्कुस स्टोनिसले ५१ बलमा सर्बाधिक ८१ रन बनाए । यस्तै डायन ब्राभोले २१ रन बनाए ।
ब्रिस्वेन हिटका लागि जोस लालोरले सर्वाधिक ३ विकेट लिए ।
करिब एक महिनापछि बिग बासमा फर्किएका सन्दिपले प्लेईङ सेटमा स्थान बनाएका छन् । सुरुवाती चार खेलमा उनी सफल रहेका थिए।
उनले चार खेलमा आठ विकेट लिदै उत्कृष्ट प्रदर्शन गरेका थिए । बिग बास लिग भन्दा पहिलेनै उनलाई बंगलादेश प्रिमियर लिगमा सिल्हेट सिक्सर्सले अनुबन्धन गरेको थियो ।
सोही कारण उनी बिग बास बिचैमा छाडेर बंगलादेश पुगेका थिए । बीपीएलमा सन्दीपले ६ खेलमा ४ विकेट लिन सफल भएका थिए ।
-1736559847.jpg)
