एजेन्सी । साबिकको विजेता पेरिस सेन्ट जर्मेन (पिएसजी) फ्रेन्च कप फुटबलको क्वाटरफाइनलमा प्रवेश गरेको छ ।
बुधबार राति भएको अन्तिम १६ को खेलमा भिलेफ्रेन्चेलाई अतिरिक्त समयमा ३-० गोल अन्तरले हराएर पिएसजीले अन्तिम आठको यात्रा तय गरेको हो ।
१२ पटकको च्याम्पियन पिएसजीलाई तेस्रो डिभिजनको क्लब भिलेफ्रेन्चेको मैदानमा जित निकाल्न अतिरिक्त समयसम्म कुर्नु परेको थियो । पिएसजीलाई जित दिलाउन जुलियन ड्राक्सलर, मौसा डियाबी र एडिन्सन काभानीले एक एक गोल गरे ।
खेलको निर्धारित ९० मिनेटको समय गोलरहित बराबरीमा सकिएपछि खेल अतिरिक्त समयमा गएको थियो । अतिरिक्त समयको १०२ औं मिनेटमा ड्राक्सलरले गोल गर्दै पिएसजीलाई अग्रता दिलाएका थिए ।
११३ औं मिनेटमा मौसाले पिएसजीको अग्रता दोब्बर बनाए । त्यसपछि खेलको ११९ औं मिनेटमा काभानीले गोल गर्दै पिएसजीलाई ३-० को जित दिलाए ।
-1734842793.webp)
