एजेन्सी । इटालियन सिरी ए फुटबलमा लाजियोले साँघुरो जित निकालेको छ । सोमबार राति भएको खेलमा लाजियोले रेलिगेसन जोनको फ्रोसिनोनेलाई १-० गोल अन्तरले हराएको हो ।
लाजियोलाई जित दिलाउन फिलिपे काइसेडोले निर्णायक गोल गरे । खेलको ३६ औं मिनेटमा फिलिपेले गोल गर्दै लाजियोलाई ३ अंक दिलाए ।
जितसंगै लाजियोले २२ खेलबाट ३५ अंक जोडेको छ । लाजियो लिगको साँतौ स्थानमा छ । पराजित फ्रोसिनोने १३ अंक जोडेर पुछारबाट दोस्रो स्थानमा छ ।
यस्तै अर्को खेलमा एट्लान्टाले काग्लियारीलाई १-० गोल अन्तरले हराएको छ । जितसंगै छैटौं स्थानको एट्लान्टाले २२ खेलबाट २५ अंक जोडेको छ ।
