घरेलु टिम तेल्लोकलाई हराउँदै इटहरी सेमिफाइनलमा
इलाम। द योङ स्पोर्टिङ क्लब इटहरी ताप्लेजुङ गोल्डकप फुटबल प्रतियोगिताको सेमिफाइनलमा प्रवेश गरेको छ।
लाखेजात्राको अवसरमा ताप्लेजुङ सदरमुकाको फुङलिङको भानुजन माविको मैदानमा सञ्चालित प्रतियोगिता उद्धघाटन खेलमा आयोजक तेल्लोक स्पोर्टिङ क्लबलाई २–१ ले हराउँदै इटहरी अन्तिम ४ मा प्रवेश गरेको हो।
दुईजना विदेशी र चारजना राष्ट्रिय खेलाडीसमेत उतारेको तेल्लोकले सुरुआती अग्रता जोगाउन नसक्दा पहिलो खेलबाट बाहिएको हो। तेल्लोक स्पोर्टिङ क्लबका सञ्जय श्रेष्ठले खेलको २६औं मिनेटमा अग्रता दिलाए।
तर, ७०औं मिनेटमा इटहरीका नीरज खड्काले गोल गर्दै खेल बराबरीमा ल्याए। त्यसको चार मिनेटमै योगेन राईले गोल गर्दै इटहरीलाई जित दिलाए।
म्यान अफ दी म्याच इटहरीका नीरज घोषित हुँदै सात हजार रुपैयाँ प्राप्त गरे। दोस्रो क्वाटरफाइनलमा सहारा क्लब पोखरा र रेडस्टार क्लब झापाबीच हुनेछ।
प्रतियोगितामा गत वर्षको उपविजेता सलहेशबाहेक सबै नयाँ टिम मैदानमा उत्रँदै छन्। विजेताले ७ लाख २ हजार ८२ र उपविजेताले ३ लाख ५० हजार ८२ रुपैयाँ प्राप्त गर्नेछन्।
विधागततर्फ सर्वोकृष्ट खेलाडीलाई मोटरसाइकल प्रदान गरिनेछ। विधागत विजेतालाई १५ हजारका दरले पुरस्कृत गरिनेछ। प्रतियोगिता आयोजक लिजेन्ड फुटबल एकेडेमी सिलगुढी, चर्च ब्वाइज युनाइटेड काठमाडौं, सलहेश युवा क्लब सिरहा, फिदिम स्पोर्टिङ क्लब पाँचथर र द योङ स्र्पोटिङ क्लब इटहरी सहभागी छन्।
गत संस्करणमा सल्लेहश युवा क्लबलाई हराउँदै सगरमाथा युथ क्लब मोरङले उपाधि जितेको थियो।
