एसियन कप पुग्न नेपालले उत्तर कोरियालाई हराउनै पर्ने

काठमाडौं। भुटानमाथि गोलको वर्षा गराउँदै साबिक विजेता उत्तर कोरिया नेपालले एएफसी महिला यु–२० एसियन कपको नजिक पुगेको छ।

भुटानको थिम्पुस्थित चामलिमिथाङ रंगशालामा शुक्रबार सम्पन्न समूह ‘ए’ को दोस्रो खेलमा उत्तर कोरिया १०–० ले विजयी भएको हो।

योसँगै शीर्ष स्थानको उत्तर कोरियाले दुई खेलबाट ६ अंक पुर्‍याएको छ। उत्तर कोरियाले पहिलो खेलमा साउदी अरबलाई १५–० ले पराजित गरेको थियो।

अब उत्तर कोरियाले अन्तिम खेल आइतबार नेपालसँग खेल्ने छ। उक्त खेलले एसियन कप खेल्ने टोलीको टुंगो लाग्ने छ। नेपालले शुक्रबार नै साउदी अरबलाई १–० ले पराजित गरेको थियो। नेपालको दुई खेलबाट ४ अंक छ। अब एसियन कपमा छनोट हुन उत्तर कोरियालाई पराजित गर्ने पर्नेछ।