काठमाडौं । घरेलु टोली संयुक्त अरब इमिरेट्स (युएई) विरुद्धको अन्तिम तथा तेस्रो टी-ट्वान्टी क्रिकेटमा नेपालले खराब ब्याटिङ कायम राखेको छ ।
दुबईस्थित आईसीसी ग्लोबल क्रिकेट एकेडेमीको मैदानमा टस हारेर ब्याटिङ गरिरहेको नेपालले चौथो विकेट गुमाएको छ ।
नेपालले चौथो विकेटको रुपमा कप्तान पारस खड्कालाई गुमाएको हो । पारस २९ रन बनाएर आउट भए ।
६ ओभर सकिदा नेपालले ४ विकेट गुमाएर ५६ रन बनाएको छ ।
बर्षा र हावाहुरीको कारण ढिला सुरु भएको खेल १० ओभरको हुनेछ ।
नेपाल र घरेलु टोलीबीचको तीन खेलको टी-ट्वान्टी सिरिज १-१ को अवस्थामा छ । अन्तिम खेल जित्दै नेपाल पहिलो टी-ट्वान्टी सिरिज जित्न चाहन्छ । यसअघि नेपालले तीन खेलको एकदिवसीय सिरिज २-१ ले जित्दै ऐतिहासिक सफलता हासिल गरेको थियो ।
-1736559847.jpg)
