काठमाडौं । घरेलु टोली संयुक्त अरब इमिरेट्स (युएई) विरुद्ध अन्तिम तथा तेस्रो टी-ट्वान्टी खेलमा नेपालले पहिले ब्याटिङ गर्ने भएको छ ।
दुबईस्थित आईसीसी ग्लोबल क्रिकेट एकेडेमीको मैदानमा युएईले टस जितेर बलिङ गर्ने निर्णय गरेपछि नेपालले पहिले ब्याटिङ गर्ने भएको हो ।
बर्षा र हावाहुरीले गर्दा नेपाल र युएईबीचको खेल ढिला सुरु हुन लागेको हो । खेल १० ओभरको हुनेछ ।
नेपाल र घरेलु टोलीबीचको तीन खेलको टी-ट्वान्टी सिरिज १-१ को अवस्थामा छ । अन्तिम खेल जित्दै नेपाल पहिलो टी-ट्वान्टी सिरिज जित्न चाहन्छ । यसअघि नेपालले तीन खेलको एकदिवसीय सिरिज २-१ ले जित्दै ऐतिहासिक सफलता हासिल गरेको थियो ।
नेपालले हालसम्म दुई टी-ट्वान्टी अन्तराष्ट्रिय सिरिज खेलिसकेको छ । तर, सिरिज जित्न सकेको छैन । त्यसैले नेपाललाई युएईमा ऐतिहासिक टी-ट्वान्टी सिरिज जित्ने पहिलो अवसर छ ।
-1736559847.jpg)
