एजेन्सी । इन्ग्लिश प्रिमियर लिग फुटबलमा आज (शनिबार) विभिन्न ७ खेलहरु सन्चालन हुँदैछ । लिगमा शनिबार चेल्सी, टोटेनहम लगायतका ठुला क्लबहरुले प्रतिस्पर्धा गर्दैछन् ।
लिगको शीर्ष ४ को होडमा रहेको चेल्सीले शनिबार हडर्सफिल्ड टाउनको सामना गर्दैछ । चेल्सीको घरेलु मैदानमा हुने खेल राति ८:४५ मा सुरु हुनेछ ।
रेलिगेसन जोनको हडर्सफिल्डविरुद्ध मैदान उत्रदा चेल्सी जित निकाल्दै चौथो स्थानमा उक्लने योजनामा हुनेछ । यसै साता बर्नेमाउथसंग पराजित चेल्सी लिगको पाँचौ स्थानमा छ । चेल्सीको ४७ अंक छ ।
यता, हडर्सफिल्ड घरेलु टोलीलाई हराएर रेलिगेसन जोनमाथि उक्लन चाहन्छ । यस सिजन मात्र २ जित निकालेको हडर्सफिल्ड ११ अंक जोडेर लिगको पुछारमा छ ।
यस्तै लिगको तेस्रो स्थानको टोटेनहमले न्युकासल युनाईटेडको सामना गर्नेछ । टोटेनहमको मैदानमा हुने खेल बेलुका ६:१५ मा सुरु हुनेछ ।
न्युकासलविरुद्ध मैदान उत्रदा टोटेनहम जित निकाल्दै शीर्ष स्थानको लिभरपुल र म्यानचेस्टर सिटीसंगको अंक दुरी घटाउने लक्ष्यमा हुनेछ ।
न्युकासललाई हराए टोटेनहम लिगको दोस्रो स्थानमा उक्लने छ । टोटेनहमको ५४ अंक छ । दोस्रो स्थानको सिटीको ५६ र लिभरपुलको ६१ अंक छ ।
यस्तै अन्य खेलमा एभर्टनले वुल्भ्सको सामना गर्दा कार्डिफ सिटीले बर्नेमाउथसंग खेल्ने छ । त्यस्तै क्रिष्टल प्यालेसले फुलहम, ब्राइटनले वाट्फोर्ड र बर्नलीले साउथह्याम्पटनसंग खेल्नेछ ।
-1734879364.jpg)
-1734875597.jpg)
