काठमाडौं । बलेफी माबि र सेतिदेबी माबिले सेतिदेबी अशोक शंकर स्मृति अन्तर माबि फुटबल प्रतियोगितामा जित निकालेका छन् । बिहिबार भएको खेलमा बलेफीले ग्रिनल्याण्ड स्कुल र सेतिदेबीले बालशिक्षा माबिलाई पराजित गरेको हो ।
पहिलो खेलमा बलेफीले ग्रिनल्याण्डलाई १–० गोल अन्तरले हरायो । खेलको ६५ औ मिनेटमा खुमबहादुर श्रेष्ठले बलेफीका लागि विजयी गोल गरे । अर्को खेलमा सेतिदेबीले बालशिक्षालाई २–० गोल अन्तरले हरायो ।
खेलको २५ औ मिनेटमा अनिल फुजेलको गोलबाट अग्रता लिएको सेतिदेबीका लागि ६५ औ मिनेटमा मिलन तामाङले दोस्रो गोल थपेका थिए । प्रतियोगिता अन्तर्गत भोली (शुक्रबार) सरस्वती स्कुल जिरी र कालीदेबी स्कुल तथा रत्न गंगा स्कुल र कालिञ्चोक स्कुलबीच प्रतिस्पर्धा हुनेछ ।
प्रतियोगितामा १५ टोली सहभागि छन् । विजेतालाई ५० हजार र उपविजेतालाई २५ हजार रुपैयाँ पुरस्कार राखिएको छ ।
-1734511871.jpeg)
