एजेन्सी । प्रिमियर लिग क्लब आर्सनलले स्पेनिस महारथी बार्सिलोनाका मिडफिल्डर डेनिस सुआरेजलाई क्लबमा अनुबन्धन गरेको छ । लण्डन क्लब आर्सनलले बार्सिलोनाका मिडफिल्डर सुआरेजलाई सिजनको अन्तिमसम्मका लागि लोनमा अनुबन्धन गरेको पुष्टि गरेको हो ।
आर्सनलसंग समर ट्रान्सफरमा सुआरेजलाई किन्ने विकल्प समेत रहेको छ ।
ला लिगा च्याम्पियन बार्सिलोनाले २५ बर्षिया खेलाडीसंग सम्झौता नविकरण गर्दै लण्डन पठाउने निर्णय गरेको हो । सुआरेजले बार्सासंग सन् २०२१ को जुनसम्मको सम्झौता गरेका छन् ।
सन् २०१३ मा क्लबमा अनुबन्धन भएपछि सुआरेजले बार्सिलाेनाका लागि ७१ म्याच खेलेका छन् । उनी आठ सिजन क्लबमा बिताएका छन् । सुआरेजले आर्सनलका मुख्य प्रशिक्षक उनाइ एम्रीको नेतृत्वमा सेभिल्लामा लोनमा खेलेका थिए ।
एम्रीले यतिबेला लण्डन क्लब आर्सनल हेरिरहेका छन् । युवा अवस्थामा सुआरेजले म्यान्चेष्टर सिटीसंग दुई सिजन खेलेका थिए । बार्सिलोना जानु अघि उनले मात्र दुई पटक मात्र सिटीको सिनियर टिमबाट खेल्न पाएका थिए ।
-1734511871.jpeg)
