काठमाडौं । घरेलु टोली संयुक्त अरब इमिरेट्स (युएई) ले पहिलो टी-ट्वान्टी क्रिकेटमा नेपालका सन्दीप जोराले अर्धशतक बनाएका छन् ।
दुबईस्थित आईसीसी ग्लोबल क्रिकेट एकेडेमीको मैदानमा युएईविरुद्ध सन्दीपले अर्धशतक पुरा गरेका हुन् । सन्दीपले ४२ बलमा ५० रन पुरा गरेका हुन् । खेलमा सन्दीप ५३ रनमा अविजित रहे ।
सन्दीपले टी-ट्वान्टी अन्तराष्ट्रियको डेब्यु खेलमै अर्धशतक बनाएका हुन् । यसै खेलबाट सन्दीपले टी-ट्वान्टी अन्तराष्ट्रियमा डेब्यु गरेका हुन् ।
योसंगै सन्दीप डेब्यु खेलमा अर्धशतक बनाउने विश्वकै सर्वाधिक कान्छा पहिलो खेलाडी बनेका छन् । सन्दीपले १७ वर्ष १०३ दिनमा डेब्यु गर्दै अर्धशतक बनाएका हुन् ।
यस्तै सन्दीप सर्वाधिक कम उमेरमा डेब्यु गर्ने नवौं खेलाडी बनेका छन् ।
सन्दीपले युएईविरुद्धको खेलमै एकदिवसीय अन्तराष्ट्रिय क्रिकेटमा समेत डेब्यु गरेका थिए ।
-1736575369.jpg)
