एजेन्सी । इन्ग्लिश प्रिमियर लिग फुटबलमा चेल्सी पराजित भएको छ । बुधबार राति भएको खेलमा चेल्सी बर्नेमाउथसंग ४-० गोल अन्तरले पराजित भएको हो ।
घरेलु मैदानमा चेल्सीलाई हराउन बर्नेमाउथका जोसुवा किङले दुई गोल गरे । यस्तै डेभिड ब्रुक्स र चार्ली ड्यानिल्सले एक एक गोल गरे ।
बर्नेमाउथसंगको हारसंगै चेल्सीले चौथो स्थानमा उक्लने मौका गुमाएको छ । पाँचौ स्थानको चेल्सीले २४ खेलबाट ४७ अंक जोडेको छ । बर्नेमाउथ ३३ अंक जोडेर दशौँ स्थानमा छ ।
प्रिमियर लिग अन्तर्गत तेस्रो स्थानको टोटेनहमले वाट्फोर्डलाई २-१ गोल अन्तरले हराएको छ । जितपछि टोटेनहमले २४ खेलबाट ५४ अंक जोडेको छ ।
क्रिस्टल प्यालेस र साउथह्याम्पटनले १-१ गोलको बराबरी खेल्दै अंक बाडेका छन् ।
-1734879364.jpg)
-1734875597.jpg)
