एजेन्सी । इन्ग्लिश प्रिमियर लिग फुटबलमा आर्सनलले जित निकालेको छ । मंगलबार राति भएको खेलमा आर्सनलले कार्डिफ सिटीलाई २-१ गोल अन्तरले हराएको हो ।
घरेलु मैदानमा आर्सनलका लागि पेरिक एम्रिक आबुमियाङ र एलेक्जेन्डर लाकाजेट्सले एक एक गोल गरे । कार्डिफका नाथानी मेन्डेज लाङले एक गोल फर्काए ।
पहिलो हाफ गोलरहित बराबरीमा सकिएको खेलको ६६ औं मिनेटमा आबुमियाङले पेनाल्टीमा गोल गर्दै आर्सनललाई अग्रता दिलाए । खेलको ८३ औं मिनेटमा लाकाजेट्सले गोल गर्दै आर्सनलको अग्रता २-० को बनाए । त्यसपछि खेलको इन्जुरी समयमा मेन्डेज लाङले एक गोल फर्काएपनि कार्डिफको हार टार्न सकेनन् ।
जितसंगै आर्सनलले २४ खेलबाट ४७ अंक जोडेको छ । आर्सनल लिगको पाँचौ स्थानमा रहेको छ । पराजित कार्डिफ १९ अंक जोडेर रेलिगेसन जोनमा रहेको छ ।
-1734879364.jpg)
-1734875597.jpg)
