एजेन्सी । इन्ग्लिश क्लब म्यानचेस्टर युनाइटेडका अन्तरिम प्रशिक्षक ओले गुनर सोल्सायरले युनाइटेड ट्रफी जित्ने अभियानमा रहेको बताएका छन् ।
प्रशिक्षक सोल्सायरले युनाइटेड अहिले शीर्ष चारको होडमा नरहेको बताउँदै उपाधि जित्ने लक्ष्यसहित अघि बढेको बताए ।
'हामी म्यानचेस्टर युनाईटेड हौ । हामी सधै ट्रफी जित्ने लक्ष्यमा हुनेछौं,' सोल्सायरले बीबीसीसंग भनेका छन् ।
युनाइटेड जारी सिजन लिगको छैटौं स्थानमा छ । युनाइटेड लिग लिडर लिभरपुल भन्दा १६ अंकले पछि छ । तर, सोल्सायरले क्लब सम्हालेपछि युनाइटेडले विभिन्न प्रतियोगिता गरि ८ खेलमा लगातार जित निकालेको छ ।
यस्तै प्रशिक्षक सोल्सायरले प्रिमियर लिगको उपाधिसंगै अन्य धेरै उपाधि जित्ने अवसर समेत युनाइटेडसंग रहेको बताएका छन् ।
'हामीसंग च्याम्पियन्स लिग र एफए कप जित्ने अवसर छ । हामी शीर्ष चार मात्र भन्ने छैनौ,' सोल्सायरले भने, 'हामी यो वर्ष केहि जित्ने योजनामा छौं । युनाइटेडको प्रशिक्षक भएपछि हरेक खेल जित्ने सोच्ने गरेको छु ।'
युनाइटेडले जारी सिजन खराब प्रदर्शन गरेपछि गत महिना मुख्य प्रशिक्षक जोसे मोउरिन्होलाई हटाएर क्लबले सोल्सायरलाई अन्तरिम प्रशिक्षक नियुक्त गरेको थियो ।
-1734879364.jpg)
-1734875597.jpg)
