बुटवल। रुपन्देहीकै पुरानो र प्रतिष्ठित तिलोत्तमा गोल्डकपको दोस्रो क्वार्टरफाइनलमा ‘ए’ डिभिजन लिग विजेता चर्च ब्वाइज युनियनलाई विभागीय टोली एफिएफले चुनौती प्रस्तुत गर्ने भएको छ।
खेल देविनगरस्थित एन्फा टेक्निकल खेलमैदानमा आइतबार दिउँसो ३ बजे हुनेछ। यो वर्ष मोफसलका चार प्रतियोगिता जितेको चर्च ब्वाइज उक्त सफलतालाई निरन्तरता दिने लक्ष्यमा हुनेछ। पुलिस भने पहिलो उपाधिको खोजीमा छ।
यी दुईबीचको विजेताले फाइनलमा स्थान बनाउन ‘ए’ डिभिजन लिग उपविजेता मच्छिन्द्र फुटबल क्लब र एडोर्न गडवाल स्पोर्टिङ क्लबबीचको विजेतासँग खेल्नेछ।
यी दुईबीचको खेल भने मंगलबार हुने तय छ। उद्घाटन खेलमा विभागीय टोली एपिएफले आयोजक रुपन्देही–११ लाई १–० ले पाखा लगाउँदै सेमिफाइनलमा स्थान बनाइसकेको छ।
एपिएफले अब संकटा र जर्जियन एफसीबीचको विजेतासँग खेल्ने छ। यी दुईबीचको खेल आइतबार ३ बजे हुने तय छ। खेलको प्रत्यक्ष प्रसारण खेलपाटी टिभी (युट्युब) मार्फत भइरहेको छ।
