काठमाडौं । घरेलु टोली संयुक्त अरब इमिरेट्स (युएई) विरुद्धको तीन खेलको एकदिवसीय क्रिकेट सिरिजमा नेपालका कप्तान पारस खड्का प्लेयर अफ दि सिरिज बनेका छन् ।
नेपाललाई ऐतिहासिक एकदिवसीय अन्तराष्ट्रिय सिरिज जिताउन सफल कप्तान पारस प्लेयर अफ दि सिरिज बनेका हुन् ।
दुबईस्थित आईसीसी क्रिकेट एकेडेमीमा सोमबार भएको तेस्रो तथा अन्तिम एकदिवसीय क्रिकेटमा कप्तान पारसले शतकीय इनिङस खेल्दै नेपाललाई पहिलो एकदिवसीय सिरिज जिताएका थिए । कप्तान पारस प्लेयर अफ दि म्याच समेत चुनिएका थिए ।
कप्तान पारस ११५ जोडेर आउट भए । कप्तान पारसले ९६ बलमा १०० रन पुरा गर्दै शतक प्रहार गरेका थिए ।
योसंगै कप्तान पारस एकदिवसीय अन्तराष्ट्रिय क्रिकेटमा शतक प्रहार गर्ने पहिलो नेपाली खेलाडी बनेका छन् । यस्तै कप्तान पारस एकदिवसीय अन्तराष्ट्रिय क्रिकेटमा सर्वाधिक धेरै रन जोड्ने पहिलो नेपाली खेलाडी बनेका छन् ।
कप्तान पारस एकदिवसीय अन्तराष्ट्रियमा दुई अर्धशतक बनाउने र २ सय रन पुरा गर्ने पहिलो नेपाली खेलाडी बनेका छन् ।
यो नेपाली खेलाडीले बनाएको ११ औं शतक हो । र, कप्तान पारसको यो व्यक्तिगत चौथो शतक हो ।
-1736575369.jpg)
