एजेन्सी । स्पेनिस ला लिगा फुटबलमा एट्लेटिको मड्रिडले सहज जित निकालेको छ । शनिबार राति भएको खेलम एट्लेटिकोले गेटाफेलाई २-० गोल अन्तरले हराएको हो ।
घरेलु मैदानमा ९ खेलाडीमा सिमित गेटाफेलाई हराउन एट्लेटिकोका लागि एन्टोनी ग्रिजम्यान र सउल निगुएजले एक एक गोल गरे ।
खेलको २७ औं मिनेटमा ग्रिजम्यानले गोल गर्दै एट्लेटिकोलाई सुरुवाती अग्रता दिलाए । खेलको ३७ औं मिनेटमा निगुएजले गोल गर्दै घरेलु टोलीको अग्रता २-० को बनाए ।
दोस्रो हाफमा गेटाफे ९ खेलाडीमा सिमित भयो । खेलको ८८ औं मिनेटमा डीज्ने डाकोनमले पाएपछि गेटाफे १० खेलाडीमा समेटिएको थियो । त्यसपछि खेलको ९० औं मिनेटमा लेन्ड्रो काब्रेराले रातो कार्ड पाउदा गेटाफे ९ खेलाडीमा समेटिएको थियो । तर, एट्लेटिकोले त्यसको थप फाइदा उठाउन सकेन ।
गेटाफेमाथिको जितसंगै एट्लेटिकोले ४४ अंक जोडेको छ । र, शीर्ष स्थानको बार्सिलोनासंगको अंक दुरी २ अंकमा झरेको छ । बार्सिलोनाको ४६ अंक छ । गेटाफे ३१ अंकसहित छैटौं स्थानमा छ ।
-1734511871.jpeg)
