काठमाडौं । घरेलु टोली संयुक्त अरब इमिरेट्स (युएई) विरुद्धको दोस्रो एकदिवसीय क्रिकेटमा नेपाललाई शानदार जित दिलाउन उत्कृष्ट प्रदर्शन गरेका सोमपाल कामी प्लेयर अफ दि म्याच चुनिएका छन् ।
दुबईस्थित आईसीसी क्रिकेट एकेडेमीको मैदानमा शनिबार नेपालले युएईलाई १४५ रनले पराजित गर्दै सोमपालले उत्कृष्ट प्रदर्शन गरेका थिए । सोमपालले किफायती बलिङ गर्दै ५ विकेट लिएपछि नेपालले युएईलाई हराएको थियो ।
सोमपालले ६ ओभर ३ बल बलिङ गर्दै ३३ रन खर्चिएर पाँच विकेट लिएका थिए । सोमपालले अस्फाक अहमेद, चिराग सुरी, गुलाम सब्बीर, शाईमन अनवर र जाहोर खानको विकेट लिए । योसंगै सोमपाल एकदिवसीय अन्तराष्ट्रिय क्रिकेटको एकै खेलमा ५ विकेट लिने पहिलो नेपाली बलर समेत बनेका छन् ।
सोमपालले ब्याटिङतर्फ भने २ रन जोडेर आउट भए ।
तस्विर : रमण शिवाकोटी
