काठमाडौं । घरेलु टोली संयुक्त अरब इमिरेट्स (युएई) संगको दोस्रो एकदिवसीय क्रिकेटमा नेपालले अहिले ब्याटिङ गरिरहेको छ ।
दुबईस्थित आईसीसी क्रिकेट एकेडेमीमा टस जितेर पहिले ब्याटिङ गरिरहेको नेपालले पहिलो विकेट गुमाएको छ । नेपालले पहिलो विकेटको रुपमा ओपनर विनोद भण्डारीलाई २१ रनमा गुमाएको छ । विनोदलाई अमीर हायातले आउट गरे ।
विनोदले पहिलो विकेटका लागि ज्ञानेन्द्र मल्लसंग ६१ रनको साझेदारी गरे । यो एकदिवसीय अन्तराष्ट्रिय क्रिकेटमा नेपालको सर्वाधिक ठुलो स्कोरको साझेदारी हो । यसअघि नेदरल्यान्ड्सविरुद्ध ज्ञानेन्द्र र अनिल कुमार साहले ५८ रनको साझेदारी गरेका थिए ।
विनोद आउट भएपछि कप्तान पारस खड्का क्रिजमा आएका छन् । नेपालले १६ ओभर चलिरहदा १ विकेट गुमाएर ६५ रन जोडेको छ ।
पहिलो खेलमा पराजित नेपाल आजको खेल जित्दै सिरिज १-१ गर्न चाहन्छ । पहिलो एकदिवसीय सिरिज जित्ने लक्ष्यमा रहेको नेपाललाई युएईसंगको दोस्रो खेल निकै महत्वपूर्ण रहेको छ ।
अन्तराष्ट्रिय क्रिकेट परिषद (आईसीसी) बाट एकदिवसीय मान्यता पाएपछि दोस्रो एकदिवसीय सिरिज खेलीरहेको नेपाललाई सिरिज जोगाउन जित्नै पर्ने दबाब छ ।
-1736609631.jpeg)
-1736605265.jpeg)
