काठमाडौं। बोर्डर गावस्कर ट्रफी सिरिजअन्तर्गत अस्ट्रेलिया र भारतबीचको चौथो टेस्ट बक्सिङ डेको रुपमा खेलाइएको छ।
दोस्रो दिन स्टिभ स्मिथको शतक (१९७ बलम १३ चौका र तीन छक्कासहित १४० रन) को शतकीय योगदानमा अस्ट्रेलियाले पहिलो इनिङ्समा ४७४ रनको बलियो स्कोर बनाएको थियो। जवाफमा भारतीय टिमले खराब सुरुआतपछि पुनरागमन गर्दै दोस्रो दिनको समाप्तिमा पाँच विकेटको क्षतिमा १६४ रन बनाएको छ। भारत अहिले पनि ३१० रनले पछि छ।
रोहित शर्माले यशस्वी जयसवालसँग मिलेर ओपनिङ गरेका थिए। तर, यो निर्णय गलत साबित भयो र रोहित (तीन रन) सस्तैमा पभिलियन फर्किए। उनले प्याट कमिन्सको बलमा स्कट बोल्यान्डलाई क्याच दिए। त्यसपछि केएल राहुलले जयसवालसँग दोस्रो विकेटका लागि ४३ रनको साझेदारी गरे।
यो साझेदारी राहुलको विकेटको साथ समाप्त भयो, जसलाई कमिन्सले बोल्ड गरे। उनले ४२ बलमा तीन चौकाको मद्दतमा २४ रन बनाए। जयसवालले ११८ बलमा ११ चौका र एक छक्काको मद्दतमा ८२ रन बनाए भने कमिन्स र क्यारीले रनआउट भए। त्यसपछि कोहली (३६) बोलान्डको बलमा कमिन्सको हातबाट क्याच भए।
पछिल्लो खेलमा फलोअनबाट भारतलाई बचाएका आकाशदीपले १३ बल खेले पनि खाता नखोली बोल्यान्डको बलमा लियोन नाथनको हातबाट क्याच भए।
