पाँचथर। न्यू स्टार क्लब सुनसरीको पोस्टमा गोलको वर्षा गर्दै मछिन्द्र फुटबल क्लब फाल्गुनन्द गोल्डकपको सेमिफाइनलमा प्रवेश गरेको छ।
फिदिम माध्यमिक विद्यालयको खेलमैदानमा मंगलबार सम्पन्न दोस्राे क्वार्टरफाइनलमा न्यू स्टारलाई ६–२ ले पराजित गर्दै मछिन्द्र अन्तिम चारमा पुगेको हो। पराजित न्यू स्टार प्रतियोगिताबाट बाहिरिएको छ। मछिन्द्रका बिजु भुजेलले खेलको पाचौं र १५औं मिनेटमा गोल गरेका थिए।
यस्तै, आदित्य शाक्यले ४३औं, मनिष डाँगीले ५६औं, सञ्जय श्रेष्ठले ६२औं र सौरभ सुब्बाले ८५औं मिनेटमा गोल गरे। न्यू स्टारका लागि सुशील राईले १३औं र सन्दीप श्रेष्ठले ६७औं मिनेटमा गोल गरेका थिए।
