काठमाडौं । कप्तान करन केसीको शानदार ब्याटिङमा काठमाडौं गुर्खाजले कर्णाली याक्सलाई हराएको छ ।
काठमाडौंको कीर्तिपुरस्थित त्रिवि मैदानमा कप्तान करनको विस्फोटक ब्याटिङमा काठमाडौंले कर्णालीलाई तीन विकेटले हराएको हो ।
कर्णालीले दिएको १ सय ५० रनको लक्ष्य काठमाडौंले तीन बल बाँकी छँदै ७ विकेट गुमाएर भेट्टाएको हो ।
तल्ला क्रमका ब्याट्सम्यान करनले १० बलमा २८ रन बनाउँदै काठमाडौंलाई जित दिलाए । करनले २ चौका र २ छक्काको मदतले सो रन बनाएका थिए ।
काठमाडौंका सुमित महर्जनले नटआउट ४० रनको सम्झनलायक ईनिङ्स खेले । गेर्हाड इरासमसले ३८ रनको महत्वपुर्ण ईनिङ्स खेलेका थिए । मिचेल लेविटले २२ रनको योगदान गरे ।
कर्णालीका सोमपाल कामी, नन्दन यादव, गुलसन झा, जिसान मसुद र विपिन शर्माले समान एक एक विकेट बाँडे ।
सुरुवाती ब्याटिङ गरेको कर्णालीले ५ विकेट गुमाएर १ सय ४९ रन बनाएको थियो । भारतीय स्टार शिखर धवनको ७२ रनको शानदार ईनिङ्स खेलेका थिए । अन्य ब्याटरको खासै राम्रो प्रर्दशन रहन सकेका थिएन ।
जित सहित काठमाडौंले प्रतियोगितामा पहिलो जित दर्ता गरेको छ । अलराउन्डरले भरिएको कर्णाली दुई खेलको समाप्तिमा जित विहीन छ ।
