काठमाडौं। विराटनगर किङ्सका ओपनर मार्टिन गप्टिलले नेपाल प्रिमियर लिग (एनपिएल)मा पहिलो अर्धशतक प्रहार गरेका छन्।
कीर्तिपुरस्थित त्रिवि क्रिकेट मैदानमा जनकपुर बोल्ड्ससँग टस हारेर विराटनगरले पहिला ब्याटिङ थालेको थियो। ओपनर लोकेश बम ६ र तेस्रो नम्बरमा आएका अकिब इलियास १५ रनमा आएट भएपनि उनले इनिङ्सलाई सम्हाल्दै अर्धशतक पूरा गरेका हुन्।
१३औं ओभरको पहिलो बलमा बेन मिकेमाथि उनले छक्का प्रहार गरे। उनले अर्धशतक पूरा गर्नेक्रममा ३६ बल सात चौका र एक छक्का प्रहार गरेका हुन्।
