काठमाडौं। सुदूरपश्चिम रोयल्सबाट नेपाल प्रिमियर लिग (एनपिएल) खेल्न इङ्ल्यान्डका सेफ अली जेब नेपाल आइपुगेका छन्। २६ वर्षीय बायाँ हाते अलराउन्डर जेब बुधबार नेपाल आइपुगेका हुन्।
उनीसँग काउन्टी क्रिकेटको भरपुर अनुभव छ। गत महिना सम्पन्न इङ्ल्यान्डको टी२० घरेलु प्रतियोगितामा नर्थान्ट्सबाट खेलेका सेफले काउन्टीको दोस्रो श्रेणीमा पनि नियमित खेल्दै आएका छन्।
सन् २०१५ मा १६ वर्षको उमेरमा पहिलो श्रेणी क्रिकेटमा डेब्यु गरेपछि इङ्ल्यान्डका लागि उमेर समूह क्रिकेट पनि खेलेका थिए। टी२० करिअरमा १ सय ४० भन्दा माथिको स्ट्राइक रेटमा १२ सय रन जोडेका उनले पार्ट टाइम बलिङ गर्दै ३३ को औसतमा १२ विकेट लिएका छन्।
क्यानको आयोजनामा ८ टोलीको सहभागितामा मंसिर १५ देखि पुस ६ गते सम्म एनपिएल हुनेछ। सुदूरपश्चिमको मार्की खेलाडीमा कीर्तिमानी अलराउन्डर दीपेन्द्रसिंह ऐरी छन्। मेन्टरमा अष्ट्रेलियाका ब्राड हज तथा मुख्य प्रशिक्षक राष्ट्रिय टोलीका पूर्व प्रशिक्षक जगत टमाटा छन्।
-1732762953.jpg)
