काठमाडौं। नेपाल क्रिकेट संघ (क्यान)ले सोमबार पहिलो संस्करणको नेपाल प्रिमियर लिग (एनपिएल) को टिकटदर तोकेको छ। कीर्तिपुरस्थित त्रिवि क्रिकेट मैदानमा हुने प्रतियोगिता मंसिर १५ देखि पौष ६ हुँदैछ।
क्यानका अनुसार उद्घाटन खेलमा सामान्यतर्फ ३०० र भिआइपीतर्फ ७०० रुपैयाँ टिकरदर तोकिएको छ। अरु दिन सामान्यतर्फ ३०० र भिआइपीतर्फ ५०० रुपैयाँ टिकरदर रहने क्यानले जनाएको छ। अनलाइन टिकट सोमबार राति आठ बजेदेखि नै खुल्ला गरिएको छ। टिकट जोनअनुसार पनि खरिद गर्न सकिने क्यानले जनाएको छ।
यस्तै प्लेअपको दिन सामान्यतर्फ ५०० र भिआइपीतर्फ ७०० रुपैयाँ टिकरदर तोकिएको छ। फाइनल खेलमा भने सामान्यतर्फ ५०० र भिआइपीतर्फ १००० रुपैयाँ टिकरदर हुनेछ।
