काठमाडौं। अस्ट्रेलियाका अलराउन्डर ग्लेन म्याक्सवेललाई पञ्जाब किङ्सले भित्र्याएको छ।
साउदी अरबको जेद्दाहमा जारी इन्डियन प्रिमियर लिग (आइपिएल) को मेगा अक्सनमा म्याक्सवेललाई पञ्जाबले ४ करोड २० लाखमा किनेको हो।
उनको आधार मूल्य २ करोड थियो। रोयल्स च्यालेन्जर्स बैंग्लोरले उनलाई कायम राख्न राइट टु म्याच कार्ड (आरटिएम) प्रयोग गरेन। गत सिजन बैंग्लोरबाट खेल्दा १० खेलमा उनले ५२ रन र ६ विकेट लिएका थिए। म्याक्सवेल तेस्रो पटक पञ्जाब पुगेका हुन्।
