काठमाडौं। इङ्ल्यान्डका विकेटकिपर तथा ब्याटर जोस बटलर गुजरात टाइटन्समा भित्रिएका छन्।
साउदी अरबको जेद्दाहमा जारी इन्डियन प्रिमियर लिग (आइपिएल) को मेगा अक्सनमा उनलाई गुजरातले १५ करोड ७५ लाख भारूमा भित्र्याएको हो।
राजस्थान रोयल्सले उनलाई फिर्ता ल्याउन बोलि लगाएको थियो। तर, उनलाई राजस्थानले ९ करोड ७५ लाखभन्दा बढीको बोलि लगाएन। उनलाई भित्र्याउन पञ्जाब किङ्स र लखनऊ सुपर जायन्ट्स पनि इच्छुक देखिएको थियो। तर, अन्तिममा गुजरातले उनलाई १५ करोड ७५ लाख भारूमा भित्र्याउन सफल भएको हो।
