काठमाडौं । मदन भण्डारी स्मृति अन्तराष्ट्रिय आमन्त्रण ईटहरी गोल्डकप फुटबलको खेल तालिका सार्वजनीक भएको छ ।
बुधबार सार्वजनीक गरिएको ड्र अनुसार उद्घाटन खेलमा झापाको मेची नेत्रालय के एफ टी सी र क्यामरुनको दाफिन्स फुटबल टिमबीच प्रतिस्पर्धा हुनेछ । उद्घाटन खेल माघको १२ गते हुनेछ ।
दोस्रो दिनको खेलमा इटहरीको राष्ट्रिय जागृति क्लब र मनाङ मस्र्याङ्दी क्लबबीच प्रतिस्पर्धा हुनेछ । माघ १४ गते त्रिभुवन आर्मी क्लब र थ्री स्टार क्लब तथा माघ १५ गते नेपाल पुलिस क्लब र भुटान सि एफ सीबीच प्रतिस्पर्धा हुनेछ ।
प्रतियोगिताका सबै खेल इटहरी रंगशालामा हुनेछ । प्रतियोगिताको फाईनल खेल माघ १९ गते शनिबार हुनेछ ।
८ टोली सहभागि प्रतियोगिताको विजेताले १६ लाख र उपविजेताले ८ लाख रुपैयाँ प्राप्त गर्नेछ ।
