काठमाडौं। काठमाडौं गुर्खाजले अनुभवी इङ्लिस लेग स्पिनर नाथन सोउटरलाई टोलीमा भित्र्याएको छ।
नाथन सोउटरले इङ्लिस घरेलु क्रिकेटमा उत्कृष्ट प्रदर्शन गर्दै आएका छन्, विशेष गरी टी-२० ब्लास्टजस्ता प्रतियोगितामा। अस्ट्रेलियामा जन्मिएका उनले न्यु साउथ वेल्सको यु-२३ टोलीबाट खेलेका थिए। ३२ वर्षे उनीसँग द हन्ड्रेड्स, भाइटालिटि ब्लास्ट, क्यारेबियन प्रिमियर लिग, इन्टरनेसनल लिग टी-२० खेलको अनुभव छ।
सोक्रममा उनले १४३ ट्वान्टी–२० खेलमा ७.६० को इकोनोमीमा १५४ विकेट र ११२.९० को स्ट्राइक रेटमा २ सय ४५ रन बनाएका छन्। उनले ओभल इन्भिसिबल्स, डेजर्ट भाइपर्स, डरहम र गुयाना अमाजोन वारियर्सबाट विश्वका विभिन्न लिग खेलेका छन्|
काठमाडौं स्पोर्टस डेभलपमेन्ट भेन्चरको स्वामित्वमा रहेको काठमाडौं गुर्खाजमा उनी पाचौं विदेशी खेलाडी हुन्। अर्का दुई इङ्लिस क्रिकेटरद्वय स्टेफन इस्किनाजी र ड्यान डौथवेटसहित नेदरल्यान्ड्सका ओपनर माइकल लेभिट् नामिबियाका कप्तान मर्वी जेर्राड इरसमसलाई टोलीले यसअघि नै अनुबन्ध गरिसकेको छ।
-1732072247.jpg)
-1732065845.jpg)
