एजेन्सी । घरेलु टोली दक्षिण अफ्रीकाले पाकिस्तानविरुद्धको दोस्रो एकदिवसीय क्रिकेटमा जित निकालेको छ । मंगलबार राति भएको खेलमा दक्षिण अफ्रीकाले पाकिस्तानलाई ५ विकेटले हराएको हो ।
डुर्बानमा पाकिस्तानले दिएको २०४ रनको लक्ष्य दक्षिण अफ्रीकाले ४२ ओभरमा मात्र ५ विकेट गुमाएर पुरा गर्यो । दक्षिण अफ्रीकाका लागि हेण्ड्रिक भान डेरले अविजित ८० तथा एडिले लक्कीले अविजित ६९ रनको अर्धशतकीय इनिङस खेले ।
यस्तै डेभिड मिल्नरले ३१ रन बनाए । पाकिस्तानका लागि साहिन साह अफ्रिदीले ३ तथा सादव खानले २ विकेट लिए ।
यसअघि टस हारेर पहिले ब्याटिङ गरेको पाकिस्तान ४५ ओभर ५ बलमा अलआउट हुँदै २० ३ रनमा समेटिएको थियो।
पाकिस्तानका लगे हसन अलीले ५९ रनको अर्धशतकीय इनिङस खेल्दा कप्तान सर्फ्राज अहमेदले ४१ रन जोडे । दक्षिण अफ्रिकाका एडिले लक्की एक्लैले ४ विकेट लिए । यस्तै ताब्राज शामीले ३ तथा कागीसो राबादाले २ विकेट लिए ।
यो जितसंगै घरेलु टोलीले पाकिस्तानविरुद्धको पाँच खेलको एकदिवसीय सिरिजमा १ - १ को बराबरी गरेको छ । पहिलो खेलमा पाकिस्तानले ५ विकेट कै जित निकालेको थियो । दुई टोलीबीचको तेस्रो एकदिवसीय शुक्रबार हुनेछ ।
-1736609631.jpeg)
-1736605265.jpeg)
