काठमाडौं। क्याटलान क्लब बार्सिलोनाका विंगर लामिन यमल र स्ट्राइकर रोबर्ट लेवान्डोस्की चोटका कारण मैदानबाहिर रहेन भएका छन्।
यस सिजन प्रशिक्षक हान्सी फ्लिकका लागि महत्त्वपूर्ण भूमिका निर्वाह गरेका दुवै खेलाडीको सोमबार परीक्षण गरिएको थियो। एंकलको चोटका कारण यमल तीन हप्तासम्म मैदानबाहिर रहनेछन् भने लेवान्डोस्कीलाई १० दिन आराम दिइनेछ।
ला लिगामा १३ खेलमा १४ गोल गरेका लेवान्डोस्की सर्वाधिक गोलकर्ताको सूचीमा शीर्ष स्थान छन्। बार्सिलोनाका सबैभन्दा खतरनाक फरवार्डमध्येका एक १७ वर्षीय यमलले सबैभन्दा धेरै असिस्ट गरेका छन्। यमलले सबै प्रतियोगिताका १५ खेलमा ६ गोल गरेका छन्।
स्पेनिस ला लिगाअन्तर्गत आइतबार राति भएको खेलमा रियल सोसिडाडसँग १–० गोलअन्तरले पराजित भएको बार्सिलोनाले सबै प्रतियोगितामा लगातार सात खेल जितेको थियो। दोस्रो स्थानको रियल मड्रिडभन्दा क्याटलान क्लब ६ अंकले अगाडि छ।
यमलको स्थानमा फर्मिन लोपेजले मैदान प्रवेश गरेका थिए। तर, आठौं स्थानको सोसिडाडविरुद्धको खेलमा बार्सिलोनाले एउटा उनी मौका सिर्जना गर्न सकेनन्। लेवान्डोस्कीले एक गोल गरे पनि अफसाइडको कारण मान्यता पाएन।
गत साता च्याम्पियन्स लिगमा रेड स्टारमाथि ५–२ को जित निकाल्दा यमलको दाहिने घुँडामा चोट लागेको थियो।
