एजेन्सी । अन्तराष्ट्रिय क्रिकेट परिषद (आईसीसी) ले आफ्नो टेष्ट क्रिकेटको ड्रिम टिम 'टिम अफ दि इयर' सार्वजनिक गरेको छ ।
आईसीसीले मंगलबार भारतीय कप्तान विराट कोहलीको कप्तानीमा सन् २०१८ को उत्कृष्ट टिम सार्वजनिक गरेको हो । ड्रिम टिममा न्युजिल्याण्डका सर्वाधिक ४ खेलाडी अटाएका छन् । यस्तै भारतका ३, श्रीलंका, दक्षिण अफ्रीका, पाकिस्तान र वेष्ट इण्डिजका समान १/१ खेलाडी अटाएका छन् ।
ड्रिम टिममा न्युजिल्याण्डका केन विलियमसन, टम लाथम, हेनरी निकोल्स र नाथन लायन रहेका छन् । भारतका कप्तान कोहलीसहित रिशब पन्त र जस्प्रित बुम्राह टिममा छन् ।
यस्तै श्रीलंकाका दिमुथ करुनारत्ने, दक्षिण अफ्रीकाका कागीसो राबडा, वेष्ट इण्डिजका जासन होल्डर र पाकिस्तानका मोहमद अब्बास रहेका छन् ।
यस्तै आईसीसीले कोहलीकै कप्तानीमा वन डे ड्रिम टिम समेत सार्वजनिक गरेको छ ।
वन डे ड्रिम टिममा कप्तान कोहलीसहित भारतकै रोहित शर्मा, कुलदिप यादब र जस्प्रित बुम्राह, इंग्ल्यान्डका जोनी बैरस्टो, जोए रुट, जोस बटलर र बेन स्टोक्स अटाएका छन् ।
यस्तै न्युजिल्याण्डका रोस टेलर, बंगालदेशका मुस्ताफिजुर रहमान र अफगानिस्तानका राशिद खान रहेका छन् ।
-1736609631.jpeg)
-1736605265.jpeg)
