काठमाडौं। नेपाली महिला राष्ट्रिय फुटबल टोलीकी मिडफिल्डर अमिषा कार्की एक लाख रुपैयाँसहित सम्मानित भएकी छन्।
एसएस फाउन्डेसनले साफ महिला च्याम्पियनसिप २०२४ मा अद्वितीय प्रदर्शन गरेको भन्दै शुक्रबार सम्मानित गरेको हो।
अमिषाले च्याम्पियनसिपमा तीन गोल गरेकी थिइन्। समूहचरणमा माल्दिभ्स र श्रीलंकाविरुद्ध उनले समान एक गोल गरिन्। भारतविरुद्ध सेमिफाइनलको टाइब्रेकरमा उनले निर्णायक गोल गरेकी थिइन्।
यस्तै, बंगलादेशविरुद्धको फाइनलमा पनि उनले एक गोल गरेकी थिइन्। फाउन्डेसनका अध्यक्ष मदनदास श्रेष्ठ र संरक्षक सोभित उप्रेतीले अमिषालाई सम्मानपत्र प्रदान गरेका थिए।
